اضحك مع قصه حياه الموناليزا
منتديات أخر حاجة :: قسم عام :: قسم الصور
صفحة 1 من اصل 1
اضحك مع قصه حياه الموناليزا
من طرف أميرة الإحساس الجمعة سبتمبر 17, 2010 2:37 pm
طبعا كلنا عارفين اختنا الموناليزاتحفه فنيه للبرنس الرايق مايكل انجلو
بس منعرفش حاجه عن عيلتها
عن قصه حياتها قبل و بعد ما اتعرضت فى المتحف
النهارده هنتعرف اكتر عن الموناليزا وعيلتها
ونبتدى بالتعرف على عائله الموناليزا
الموناليزا نفسها
أم ليزا
أبو ليزا
اخت ليزا
اخو ليزا
ودلوقتى مع قصه حياه الموناليزا الحقيقيهالموناليزا كانت طالبه جامعيه زيها زى اى بنت
من البيت للجامعه ومن الجامعه للبوى فرين...إحم للبيت
بعد كده شفها المنيل على عينه مايكل انجلو واقنعها انها تشتغل فى المتحف
اللى هو شغال فيه وبينى وبينكم كانت ظروفها منيله فوافقت انها تشتغل معاه
كموديل فى متحف اللوفر
طبعا الموناليزا بعد ما اشتغلت فى متحف اللوفر تتعرض على اللى يسوى واللى ميسواش
لقت الشغلانه مش جايبه همها قالت مبدهاش بقى
وراحت اشتغلت فى مجال الفن
غنت الاول اغانى شبابيه بس كانت بإحترامها وطبعا محدش اهتم بيها
طبعا كانت سابت الشغل فى المتحف وفشلت انها تغنى بكامل ملابسها
فمكنش قدامها إلا انها تواكب موضه الشد والجذب والنفخ
وطبعا استعانت فى الموضوع ده بأصحاب الخبره من زمايلها الفنانيين
وخدت برأى صديقتها الانتيم هيفا وبقت كده
وغيرت اسمها من موناليزا ل مزه ليزا
انهالت عليه النقاد بعد النيولوك اللى هى عملته والاغانى الهابطه
اللى من تلحين اخوها (اخو ليزا) فأتجهت الى سكه المخدرات
بعد كده طبعا اعجب بيها راجل اعمال شاب كالعاده طبعا
وعرض عليها انهم يقضوا يومين حلوين فى الساحل
قالتلو نعم يا روح ماما انت فكرنى ايه يا ايه ده العدى واحده من اياهم
قالها ده انتى اياهم نفسه
راحت مدياله بكف ايدها على قفاه
الراجل اعجب بيها وقالها هتجوزك يا بت يا بيضه بس على شرط
قالتله أؤمر يا حبيبى
قالها تسيبى الغنى خالص يا قطه وتجيبيلى عيل وتقعدى فى البيت
قالتله بيييييس يا سى السيد
قالها غريبه انا كنت فكرك هتمانعى وتقولى انا بقدم رساله والكلام الفكسان بتاعكم ده
قالتله هى هى هيييييييه (ضحكه خليعه) فن ايه يا منيل ده لزوم اكل العيش يا ماو
اتجوزا طبعا وخلفوا عيل بعد الجواز بسنه
طبعا بعد الجواز كلكم عارفين بيحصل ايه
اهملت الموناليزا فى نفسها وبقت تاكل حلتين محشى كنوع من انواع التسالى
وهى قاعده كده قدام التليفزيون فكرشت طبعا وبقت شبه الفيل
راح جوزها طبعا مطلقها واتجوز مزه من بتوع الكليبات والاغانى الهابطه
طبعا مكنش ينفع ترجع للفن تصورلها كليبين
او تروح خماره تضربلها كاسين او غرزه وتشدلها حجرين
راحت طبعا المونالزا اتجهت لربنا وصلتلها ركعتين
واتجهت للمظاهرات وبقت بتدافع عن الحقوق الفلسطينيه
طبعا امن الدوله مسبهاش فى حالها وجابها من قفاها
واسضافها يومين
طبعا رجعت موشهه فأضطرت انها تخفى وشها
وبعد كده اتعرفت بشيخ محترم
وفهمها الاسلام صح
وقالها ان المرأه لازما تحافظ على عرضها
ومتعرضش نفسها للمظاهرات والكلام ده
وان المرأه لازما تقعد فى بيتهم معززه مكرمه وتربى اطفالها
وتبقى ام مثاليه وتنشىء اولادها نشئه صح وهى دى رسالتها فى الحياه
وان الجنه تحت اقدام الامهات
فتابت الموناليزا واستغفرت ربنا على كل اللى هى عملته ايام الهلس والكليبات
ومبقتش تتكشف على رجاله علشان شكلها بقى ميسرش
ودلوقتى مع صوره ابن الشيخه ليزا
وبكده انتهت قصه حياه الموناليزا الحقيقيه كما روتها
أميرة الإحساس- عضو مبتدئ
- عدد المساهمات : 22
نقاط : 42
عدد مرات الشكر : 0
تاريخ التسجيل : 28/06/2010
منتديات أخر حاجة :: قسم عام :: قسم الصور
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى