تخيل لما حدث يوم الاعتداء على خالد مشهد تمثيلى من الشعر

من طرف **gogo** الإثنين يوليو 05, 2010 2:13 am

هو مجرد تخيل لما حدث يوم الاعتداء على خالد مشهد تمثيلى من الشعر ارجو التركيز جيدا اشكركم ولا تنسو الدعاء باكتمال الشفاء وان يرحم هذه الشاب
هاتلى يا زفت المحضر دوغرى
اكتب عندك
واحنا ف عز الليل بليل
شفنا المتهم الواد خالد نص الليل
وف ايدو لفه ف منديل
بنقولو اهلا يجميل
وبنديلو ورده هديه
راح بالع كل المنديل
قمنا على المنديل اياه
وفتحناه وكشفناه
ووجدنا حشيشه جوووووواه
سدت جوفه وكان من خوفه
يضرب نفسو ف حيط بقفاه
عور نفسو وشلفط وشو
واحنا نحوشو ويا ولداه
وحوولنا كتير اسعفناه
بس خلاص فاضت روحه الى مولاه؟؟؟

اكتب يبنى كمان الاتى
بالكشف على المدعو الاتى
الواد خالد لاقيناه برضو
كمان متعاطى
وبتاع نسوان برضو يوماتى
هربان م التجنيد وفلاتى
شارب بيره وبانجو وخمره كمان
ويمشى ف وسط الناس سكران

وبيعمل حبه حركات
منتمى طبعا للجماعات
قتال قتله وماضى شيكات
وعليه عده كمبيلات
والادهى من كل ده كله
بيشجع ف الواد بركات
مش كده بس كمان دا سيادتك
بيصلى ف خمس صلوات

اكتب عندك
ان المدعو كمان مرتاح
وف تفتيشه وجدنا سلاح
يمكن مدفع ولا طبنجه
لا خليها سلاح او سنجه
كفايه عليه
قولتلى بقا شغلنتك ايه
الواد مات م الضرب يا بيه
اسكت يبنى ده تمثيل
اكتب يبنى شغال صايع وف كباريه
الواد مات م الضرب يا بيه
طيب واحنا هنعمل ايه؟؟
اهو غار يلا ف ستين دهيه
واحنا حكومتو وخيفه عليه
علشان يعرف مين اسيادو
وانو زباله لا راح ولا جيه
نعمل ايه ف الجته يا بيه؟؟
يلا خدوه
او ترموه زى مجبتوه
واحشرو لفه بانجو ف زورو
وابعتو للاسعاف وشلوه
خلو كمان الطب الشرعى
يعمل كل اللى تحبوه
ومتنسوش تبعتو لكلابنا
يرهبو طبعا فاللى شافوه
واللى هينطق بم هاتوه
وتجرجرو ف اخواتو وابوه
متخلوش كده صوتهم يطلع
احنا الامن واحنا الشرطه
والواجب احنا نربوه
يلا شيلوه
اى دليل لازم تخفوووووووووووه
************************************
عجبى بجد هيا حكايه ملهاش حد
ملهاش وقت
مش عارفين ايه اللى بيحصل
ولا عارفين ايه نهايه السد
ربنا يستر على ايامنا
يكفينا شر ايها حد
وياقاعدين يكفيكو شر الكمين
يكفيكو شر البنى ادمين
قولو امين